सगरमाथाको क्याम्प २ मा राखेकै ठाँउबाट सामान हरायकोे छ । शेर्पा अल्टिच्युड एडभेन्चर एण्ड एक्सपिडीसन कम्पनी लिमिटेडका सञ्चालक खुम्बु पासाङल्हामु गाँउपालिका ४ का पासाङ दावा शेर्पाको टोलीले क्याम्प २ मा भण्डारण गरेर राखेको सामान हराएको भन्दै खोजिका लागि प्रहरी प्रशासनलाई आग्रह गरिएको छ ।
आरोहणका लागि क्याम्प २ मा भण्डारण गरिएको आबश्यक सामान तथा अन्य सामानहरु हराएकोे पासाङ दावा शेर्पाले सोलु एफ.एम.लाई जानकारी दिनुभयो । हिमाल आरोहण गर्दा प्रयोग गरिने अति महत्वपुर्ण सामान तथा भान्सामा प्रयोग हुने भाडाकुडा लगाएत् ३२ लाख बराबरको सामान हराएको शेर्पाको भनाई छ ।
क्याम्प २ मा एड्भेन्चर कन्सल्टेण्ट, अल्पाइन एसेन्ट, माउण्टेन एक्सपिडिसन तथा इन्टरनेशनल माउण्टेन गाइड गरि जम्मा ४ वटा कम्पनीहरुले पनि सामान भरण्डारण गरेको थियो । बैशाख महिनाको अन्तिममा हराएको सामान खोजी कार्य जारी राखेपनि पत्ता नलागेपछि शेर्पा अल्टिच्युड एडभेन्चर एण्ड एक्सपिडीसन कम्पनी लिमिटेड का सञ्चालनक पासाङ दावा शेर्पाले उक्त सामान खोजी गरिदिन जिल्ला प्रशासन सोेलुखुम्बु र जिल्ला प्रहरी कार्यलय नाम्चेलाई आज आईतबार निबेदन दिनुभएको छ ।
भण्डारण गरेकै ठाँउबाट सामान हराउनु दुखद भएको भन्दै यसले पर्यटकहरुमा त्रास पैदा हुने साथै आगामी दिनमा पर्यटनमा नकारात्मक असर गर्ने पर्यटन व्यवसायीहरुले बताएकाछन् । त्यस्तै बिभिन्न ठाँउहरुबाट आउने पर्यटकहरुलाई सुरक्षित बनाउन यस्ता कार्यहरुलाई न्युनिकरण गर्न सम्बन्धित पक्ष चनाखो रहन आबश्यक रहेको पनि पर्यटन व्यवसायीहरुको भनाई छ ।
