सोलुखुम्बु ः सोलुदुधकुण्ड नगरपालिका ६ खोरियास्थित चकमके डाँडामा निर्माण गरिएको फोरजी सेवा सञ्चालनमा आएको छ । फोर जी सेवा सञ्चालनमा आएपछि टापुटारबासी खुसी बनेका छन । सोलुदुधकुण्ड नगरपालिकाका मेयर नाम्गेल जाङबु शेर्पाको पहलमा टापुटार बस्तीलाई लक्षित गरेर फोरजी टावर सञ्चालनमा ल्याईएको हो ।
आफु निर्वाचित भएपछि सो क्षेत्रमा सञ्चारको समस्या समाधानका लागि पहल गरेको वडाध्यक्ष फुर्वा ग्याल्जेन शेर्पाले बताउनुभयो । मोबाईल नेटवर्क नटिप्ने ठाउँका लागि अब नेट नै चल्ने गरि फोरजी सेवाको पहूँच पुगेको हो ।
२०७९ साल फागुनबाट टावर निर्माण कार्य सम्पन्न भएर सञ्चालनमा आएको जनाएको छ ।
