सोलुदुधकुण्ड नगरपालिका ७ गार्मा स्थित मेन्दोपाके–घुन्सा, लाप्चे–माथिल्लो सेकारसिङ सडक स्तरोन्नतीको कार्यको ६० प्रतिशत कार्य सकिएको छ । गत चैत्र ३ गते शिलान्यास भएर सुरु भै तिब्र गतिमा सूचारु भैरहेको उक्त सडक स्तरोन्नतीको हाल सम्म ९ सय मिटरमा सोलिङको कार्य सकिएको उपभोक्ता समितिीका अध्यक्ष रुद्र खत्रीले जानकारी दिनुभयो । १३ सय ३७ मिटर सम्म सोलिङ गरिनुपर्नेमा ९ सय मिटर सकिएको हो । ७९ वटा ज्ञाविन जालीको काम यसअघिनै सकिएको छ ।
सोलुदुधकुण्ड नगरपालिकाको ३५ लाख निनियोजन रकम बाट सम्पन्न हुन लागेको यस सडक खण्डको गुणस्तर रुपमा कार्य भैरहेको वडा अध्यक्ष सोनाम ग्याल्जेन शेर्पा बताउनुभयो ।
यस्तै उपभोक्ता समितीका अध्यक्ष रुद्रबहादुर खत्रीले सडकको स्तरोन्नती कार्य गुण्स्तरको हिसाबले काम गरेको दाबी गर्दै जेष्ठ पहिलो हप्ता भित्रै कार्य सम्पन्न हुने जानकारी दिनुभयो ।
