सोलुदुधकुण्ड नगरपालिका वडा नम्बर ७ को माथिल्लो सेकारसिङ — लाप्चे — घुन्सा — मेन्दोपाके सडक सोलिङको काम यतिखेर जारी छ । सडक सोलिङको काममा विभिन्न समुदायका स्थानीयको सहभागी रहेको छ ।
क्षेत्री, तामाङ, शेर्पा र दलित समुदायका स्थानीयहरु दलितको हातबाट पकाएका खानेकुरा खाँदै काम गरिरहेकाछन् । गार्माको नाजिङ क्षेत्रमा बस्दै आएका दलित र गैह्र दलित बीच देखिएको यो समानता अन्य क्षेत्रका लागि भने नौलो हुन सक्छ ।
सोलुदुधकुण्ड नगरपालिका ७ का तिलक खत्री गाउँका दलितको घरमा जाने, सँगै बसेर उनीहरूकै घरमा खाना खाने गर्नुहुन्छ । केही वर्ष अघिसम्म दलित र गैह्र दलित भनी फरक व्यवहार गरिने गरेको भए पनि पछिल्ला वर्षमा उक्त क्षेत्रमा जातीय विभेद नरहेको उहाँको भनाई छ ।
शेर्पा, तामाङ, नेवार लगायत क्षेत्रीको पनि बसोबास रहेको छ । सुबिधा सम्पन तथा शिक्षित शहरहरुमा अझै पनि दलितका नाममा घर भित्र छिर्न नदिने, उनीहरुले छोएको पानी नचलाउने कुसंस्कार गाँउघरमा त झनै विद्यमान छ । तर त्यस क्षेत्रका स्थानीयको भने जातिय विभेद सम्बन्धी सोंच परिवर्तन भएको प्रबिण तामाङ बताउछन ।
धेरै ठाँउमा दलित र गैह्र दलित बिच समानता नदेखेकाले सबै जातीबिच मिलाएर सामाजिक बिकासको कार्यमा एकता बनाउनु आफ्नो उदेश्य रहेको वडा अध्यक्ष सोनाम ग्याल्जेन शेर्पाले बताउनुभयो । वडा नम्बर ७ को यो सडक स्तरउन्नतीको कार्यमा सबै जातजाती समान रुपमा मिलाएर काम गराएको पनि अध्यक्ष शेर्पाको भनाई छ । कतिपय यस्ता बिकासे काममा हुदाँखादा र पहुँच भएकाहरुले मात्रै काम पाउने र दिने कुराहरुको स्मरण गर्दै वडा अध्यक्षको उक्त कार्यप्रति स्थानियहरु ख्ुासि बनेका छन ।
नेपालका विभिन्न ठाँउहरुमा गैह्र दलित समुदायका महिलासँग प्रेम गरेको आरोपमा हत्या समेत हुने गरेको खबरहरु बेला बेला सार्वजनिक भईरहन्छन् । केही बर्ष अघि रुकुम पश्चिममा यस्तै घटनामा ६ जनाको ज्यान नै गयो । तर सोलुदुधकुण्ड नगरपालिका ७ मा भने दलित गैह्र दलित बिच रकम सरसापटीदेखि तरकारी र अन्नपात पैंचो समेत चल्ने गार्माका कान्छा शेर्पाको भनाई छ।
विगतका दिनमा आफूले जातिय विभेद सहनुपरेको अनुभव सोलुदुधकुण्ड नगरपनलिका ७ मोन्दोपाकेकी नबिना बिक संग छ । तर अहिले सडक निर्माणमा काम गर्ने ३० जनालाई वहाँले नै खाना पकाएर खुवाइरहनु भएको छ । अहिले जातिय विभेदको सामना गर्नु नपरेको उहाँको भनाई छ ।
नेपालको संविधानले जातको आधारमा कुनै पनि भेदभाव गर्न नपाउने व्यवस्था गरेको छ । तर पनि जातकै आधारमा अझै पनि कतिपय समाजमा विभेदहरु विद्यमान छन् । विभेद कायम रहेको स्थानमा रहनेहरुका लागि गार्माको यो दलित गैह्र दलित बिचको एकता र सद्भाव उदाहरण बनेको छ ।
