सोलुखुम्बु जिल्लालाई समृद्ध बनाउनको लागि आफ्नो तर्फ बाट महत्वपूर्ण भूमिका खेल्ने सामाजिक विकास मन्त्री बुद्धीकुमार राजभण्डारीले प्रतिवद्धता जनाउनुभएको छ । बुधबार सोलुदुधकुण्ड नगरपालिका वडा नम्बर ६ को नवनिर्मित भवनको उद्घाटन गर्दै उहाँले, बिकास निर्माणका कुरामा सबै पक्ष संग सहकार्य गर्दै जानुको बिकल्प नरहेको भन्दै आफु सहकार्य समन्वको लागि सधै तयार रहेको बताउनुभयो ।प्रदेश नम्वर १ को सामाजिक विकास मन्त्री बन्नुभएका सांसद बुद्धीकुमार राजभण्डारीले सोलुखुम्बु बासीले गरेको बिकासको आशालाई पुरा गर्न सधै लागि पर्ने प्रतिबद्धता जनाउनुभयो ।
