जेष्ठ १ गते शनिबार २०७८
सोलुखुम्बु मा चौँरी पालन लोप हुन थालेको छ । केही बर्ष अगाडीको तुलनामा झण्डै ९० प्रतिशतले चौँरी पालन लोप भएको चौँरी ब्याबसायी संघ सोलुखुम्बका अध्यक्ष तथा चौँरी पालक नुरु शेर्पाले गुडमर्निङ टाइम्सलाई जानकारी दिनुभयो । सोलुखुम्बुको माथिल्लो भेगमा बस्न रुचाउने चौँरीको संख्या अहिले शेर्पाको भनाई अनुसार अन्दाजी १५ सय संख्यामा मात्रै रहेको छ ।
आफुहरुलाई सरकारले बेवास्ता गरि कुनै पनि अनुदान उपलब्द नगाएरै यसरी चाँैरी पालन लोप भएको पनि शेर्पाले बताउनुभयो ।
उहाँले भन्नुभयो “बाहिर बाट ल्याएको घिउ छुर्पि सोलुमा उत्पादन भएको भनेर ब्यापारीहरुले बेचिरहेको छ खै के भन्नु ?यदि स्थानिय र प्रदेश सरकारले चौँरी पालनलाई प्राथमिकतामा राख्ने हो भने हाम्रो सोलुको एउटा ब्राण्ड बनाउन सक्थ्यौ, अध्यक्षको हैसियतले मैले प्रदेश र स्थानिय सरकारलाई यसको बिषयमा केही कुराहरु माग राखेको छु हेरौ के हुन्छ” ।
