ओखलढुंगाको सिद्धिचरण नगरपालिका वडा नम्बर ६ जन्तरखानीमा रहेको महभिरमा नयाँ गुफा फेला परेको छ । खोटाङको हलेसीसँग मिल्दो जुल्दो गुफा, निकै पहिले स्थानियहरुले दुम्सी धपाउने क्रममा फेला पारेका थिए ।
एक्लै जान र पस्न सक्ने अबस्था नदेखिएपछि, स्थानियहरु जम्मा भएर गुफा पस्दा प्राकृतिक रुपमै आर्कषक तथा विभिन्न कला कुदिएका ढुंगा तथा अन्य बस्तुहरु फेला परेको गुफा संरक्षण समितिका सचिब केशर मगरले सोलु एफ.एम. लाई जानकारी दिनुभयो ।
गुफाको लम्बाई १ सय १० मिटर लामो रहेको पाईएको छ । यसको संरक्षणका लागि स्थानीयले हाल १३ सदस्य समिती समेत गठन गरेकाछन् ।
प्रचार प्रसारलाई व्यापकता दिन सके उक्त गुफा क्षेत्र धार्मिक पर्यटकिय स्थलको विकास हुन सक्ने सम्भावना रहेको गुफा संरक्षण समितिका सचिब केशर मगरको भनाई छ ।
गुफा भित्र महादेबको आकृति भएकाले गुफालाई महावीर भनि नामाकरण गरिएको गरिएको छ ।
यसको प्रचार तथा प्रबर्धनका लागि चैत्र १६ गते रामनवमीका दिन मेला लाग्ने प्रचारप्रसार समितीले जनाएको छ।
