जेठ २५, शनिबार २०७६
लेखक तथा साहित्यकार डिबी किरातीको नाटक सँग्रह “काँ जाँन्छौ तन्नेरी“ बिमोचन भएको छ । शिल्पि थिएटर काठमाण्डौको बत्तिसपुतलीमा भएको एक औपचारीक कार्यक्रमका बिच बाङमय शताब्दी पुरुष तथा सस्कृतिविद सत्यमोहन जोशीको हातबाट शनिबार बिमोचन गरिएको हो । गाउले परिबेशमा आधारित नाटक सँग्रहमा ५ वटा फरक नाटकहरु समावेश गरिएका छन् ।
नेपाली युवायुवतीहरु अर्काको देशमा गएर पसीना बगाउनु भन्दा आफ्नै देशमा बसेर मेहनत गर्नुपर्छ भन्ने सन्देश नाटकमा रहेको, साहित्यकार तथा लेखक डिबी किरातीले बताउनु भयो । साथै १० बर्षे जनयुद्धमा आम नेपालीले भोगेको दुखलाई पनि जोड्दार उठाईएको छ ।
कार्यक्रममा बोल्नुहुदै जोशीले नाटक लाई पढ्न मिल्ने, सुन्न मिल्ने र मञ्चन पनि गर्न मिल्ने भएकोले साहित्य बिधामध्ये नाटक उत्कृष्ट बिधा भित्र पर्ने बताउनुभयो । साथेै डिबी किरातीको यस नाटक भित्र सकरात्मक सन्देश रहेको भन्दै उहाले शुभकामना पनि ब्यक्त गर्नुभयो ।
४९ बर्ष देखि निरन्तर साहित्य, राजनिति र समसामायिक विषयमा कलम चलाईरहेका किरातीको यस भन्दा अघि भत्किएका घरहरु नाटक कृति प्रकाशित छन् । त्यसै गरि के तिमी ज्यँ'दै छौ ? खण्डकाव्य, खोजी उपन्यास, पोका पन्तरा मुक्तक कविता सँग्रह, के हो नयाँ नेपाल ? निबन्ध सँग्रह, पागलको डायरी भाग एक कविता सँग्रह, चौतारो निबन्ध सँग्रह, पागलको डायरी भाग २ कविता सँग्रह, किचेन डायरी किसानको हाते पुस्तिका, प्राङ्गारिक कृषि डायरी गरी करिब एक दर्जन कृतिहरु प्रकाशित छन् ।
कार्यक्रममा सोलुखुम्बुका सांसद हेम कुमार राई(सुरवीर), साहित्यकार तथा समालोचक हेरम्बराज बास्तोला साथै शुभेच्छुकहरुको उपस्थिति रहेको थियो ।
भिडियो
