आज वि.सं. २०७५ साल चैत ११ गते सोमबार अँग्रेजी पात्र अनुसार सन् २०१९ मार्च २५ तारिख नेपाल संवत् ११३९ चिल्लागा चैत्र कृष्णपक्षको पञ्चमी तिथि
मेष ( चु, चे, चो, ला, लि, लु, ले, लो, अ)
मेष राशि हुनेहरुका लागि आजको दिन शरीरमा कमजोरी अनुभूति हुनेछ। लगनशील बन्दाबन्दै पनि काममा पछि परिनेछ। स्वास्थ्यका लागि अलि सजग रहनुहोला अध्ययनमा खोजमूलक ज्ञान प्राप्त गर्ने समय छ। काममा चुनौती देखिए पनि आम्दानी हातलागी हुनेछ। श्रम परे पनि मिहिनेतको उचित मूल्य प्राप्त हुनेछ ।
बृष ( इ, उ, ए, ओ, बा, बि, बु, बे, बो )
कामको चापबाट फुर्सद मिल्नेछ व्यापार–व्यवसायमा लाभ हुनेछ। आय बढ्नुका साथै उपहार प्राप्त हुने समय छ। भौतिक साधन जुट्नेछ भने आम्दानी बढ्ने काम प्रारम्भ हुन सक्छ। प्रेमको बन्धन कसिनेछ भने अतिथिको रूपमा सत्कार प्राप्त हुने योग देखिन्छ ।
मिथुन ( का, कि, कु, घ, ङ, छ, के, को, ह)
तपाईको आज अवसर प्राप्त भए पनि फाइदा उठाउन चुनौतीसँग जुध्नुपर्नेछ। आफ्नो मिहिनेतबाट अरूले फाइदा उठाउने कोसिस गर्नेछन्। चुनौतीपूर्ण कामको जिम्मेवारी वहन गर्नुपर्ला। स्वास्थ्य कमजोर रहनाले व्यवसायमा बाधा पुग्नेछ। प्रगतिमाथि ईर्ष्या गर्नेहरूले पनि दुःख दिनेछन्। शुभचिन्तक र प्रतिस्पर्धीलाई समेटेर काम लिनुपर्नेछ ।
कर्कट ( हि, हु, हे, हो, डा, डि, डु, डे, डो )
निर्णय लिन केही अलमल भए पनि पछि लाभ हुने काम प्रारम्भ हुनेछ। बौद्धिक प्रतिस्पर्धामा विजयी भइनेछ। प्रतिष्ठित काम सम्पादन गर्ने मौका छ। सेवामूलक काम सम्पादन गर्न सकिनेछ। प्रतीक्षा गरिएको नतिजा सबल रहनेछ। गुरुजनको सुझाव र सन्तानको सहयोग लाभदायी हुने छ ।
सिंह ( मा, मि, मु, मे, मो, टा, टि, टु, टे)
आबेशमा नआएकै बेस हुनेछ । ईर्ष्या गर्नेहरूले काममा अवरोध पुर्याउन सक्छन्। अरूको व्यवहारले शंका उब्जाए पनि मान्यजनको सुझाव शिरोधार्य गर्दा फाइदा हुनेछ। मिहिनेत गर्दा जटिल काम समेत सम्पादन हुनेछ। आफन्तले उत्साह जगाउनेछन् ।
कन्या ( टो, प, पि, पु, ष, ण, ठ, पे, पो )
कन्या राशि हुनेहरुकालागि आजको दिन परिस्थितिवश चिताएको काम पूरा गर्न नसकिएला। आफ्नो मिहिनेतबाट अरूले फाइदा उठाउने चेष्टा गर्नेछन्। मौका आए पनि काम थाल्नुअघि राम्ररी विचार पुर्याउनुहोला। व्यवसायमा बाधा पुग्नेछ भने अरूका लागि बुद्धि खर्चनुपर्ने देखिन्छ। सेवामूलक कामबाट राम्रो उपलब्धि प्राप्त हुनेछ। तत्काल ठूलो फाइदा नदेखिएकाले हिसाबकिताबमा होसियार रहनुहोला ।
तुला ( र, रि, रु, रे, रो, ता, ति, तु, ते )
समयमा वचन पुर्याउन नसक्ता अरूले आलोचना गर्न सक्छन्। बेसुरमा बोल्ने बानीले वादविवाद निम्त्याउन सक्छ। परिस्थितिको बन्धनले पनि स्वतन्त्रतामा बाधा पुर्याउला। महत्वाकांक्षी योजना गोप्य राखेर अघि बढ्नुपर्ला। बुद्धिको उपयोगले विद्या तथा धन आर्जन हुनेछ भने सानो प्रयत्नले ठूलो काम बन्ने सम्भावना देखिन्छ ।
बृश्चिक ( तो, ना, नि, नु, ने, नो, या, यि, यु)
आजको दिनमा अवसर प्राप्त भए पनि भूलवश काममा बाधा होला । आफ्ना कमजोरीमाथि टिप्पणी हुन सक्छ। तर शुभचिन्तकहरूले अप्ठ्यारो पर्दा साथ दिनेछन्। दोहोर्याएर प्रयास गर्दा रोकिएको काम बन्नेछ। बिछोडिएका आफन्तजनसँग भेटघाटको अवसर जुट्ने योग रहेको छ ।
धनु ( ये, यो, भ, भि, भु, ध, फा, ढ, भे)
खर्च लागे पनि लगानी बढाउने अवसर आउन सक्छ। दिगो योजनाका लागि ऋण लिने समय छ। अवसरको खोजीमा केही दौडधुप गर्नुपर्ला। तापनि उपलब्धिमूलक यात्रा गर्ने प्रक्रिया अघि बढ्न सक्छ। टाढाका साथीभाइसँग आत्मीयता बढ्नेछ। विदेश भ्रमणका लागि प्रयत्न गर्ने समय छ ।
मकर ( भो, ज, जि, खि, खु, खे, खो, गा, गि )
मेहनतको नतिजाले उत्साह जगाउनेछ। आम्दानीका नयाँ स्रोत फेला पर्नेछन्। पहिले गरेका कामबाट प्रशस्त लाभ हुनेछ। आयआर्जन बढ्ने र उठ्नुपर्ने रकम हातलागी हुने समय छ। कृषि, पशुपालन तथा व्यापारमा प्रशस्त फाइदा हुनेछ। चल(अचल धनको उपयोगबाट मनग्गे फाइदा उठाउन सकिनेछ ।
कुम्भ ( गु, गे, गो, सा, सि, सु, से, सो, द)
कुुम्भ राशिका ब्यक्तिहरुलार्य आज पहिलेका कमजोरी बाहिर आउनाले प्रतिष्ठामा समस्या पर्न सक्छ। बाध्यताले अलमल्याउन सक्छ। अरूका लागि समय, धन र बुद्धि खर्चनुपर्ला। तापनि, लगनशीलताले उपलब्धिको स्रोत प्राप्त हुनेछ। काम पूरा नभए पनि दोहोर्याएर प्रयत्न गर्दा लाभ हुनेछ। विवादास्पद जिम्मेवारी वहन गर्नुपर्ला अलि सजग भएर काम गर्नुहोला ।
मीन ( दि, दु, थ, झ, ञ, दे, दो, च, चि )
तपाईलाई आज फाइदा सामान्य भए पनि तारिफयोग्य काम थालनी हुनेछ। धर्मकर्म तथा परोपकारमा प्रवृत्त भइएला। बुद्धिको उपयोगले अरूलाई आफ्नो पक्षमा लिन सकिनेछ। मिहिनेतले सम्मानित स्थान दिलाउनेछ। प्रतिष्ठित काम गर्ने अवसर प्राप्त हुनेछ। अरूको भरपर्दा प्रभावकारी काम नहुन सक्छ। विशेष योजना सार्वजनिक नगर्नुहोला ।
कर्म गर्नुहोस तपाईको भाग्य आफै बलियो हुन्छ । शुभ दिन शुभ समय ।