सोलुखुम्बु ः ९ वर्ष देखि अलपत्र अवस्थामा रहेको जिल्ला स्वास्थ्य कार्यालय सोलुखुम्बुकोे भवनको निर्माण कार्य पुनः सुरु भएको छ । ठेकेदार कम्पनीको लापरबाही र नियमनकारी निकायको मौनताका कारण अलपत्र बनेको उक्त भवनको निर्माण कार्य पुनः सुरु भएको हो ।
वि.स.२०७१ साल माघ २० गते २ वर्षमा निर्माण सक्ने गरि सम्झौता भएको भवन निर्माणको काम अहिलेसम्म पनि पुरा हुन नसकेको भन्दै पटक पटक ताकेता हुँदै आएको थियो । २ करोड ३८ लाख ३ हजार ५३ रुपैँया ३२ पैँसाको लागतमा निर्माणको जिम्मा लिएको भवनको अहिले करिब ८० प्रतिशत कार्य सम्पन्न भएको बताईको छ । जिल्ला प्रशासन कार्यालयमा निर्माण कम्पनी सहित बसेको बैठकले निर्माण सम्पन्न नगरेकोले कालो सुचिमा राख्न सिफारिश गर्ने निर्णय गरेकाले काम सुरु गरेको सोलुखुम्बुका प्रमुख जिल्ला अधिकारी बसन्त भट्टराईले बताउँनुभयो ।
अब १५ दिन भित्र निर्माणको सम्पुर्ण काम सकेर स्वास्थ्य कार्यालयलाई बुझाउने गरि काम भइरहेको निर्माणको ठेक्का लिएको निलगिरी निर्माण कम्पनीका प्रमुख युवराज डाँगीले जानकारी दिनुभयो ।
source solufm
