सोलुखुम्बुमा एक हजार आठ सय ५९ जनाको आँखा परिक्षण गरिएको छ । भदौ १८ गते देखि विभिन्न स्वास्थ्य चौकीमा सञ्चालित एक दिने निशूल्क मोतीबिन्दु छनोट शिविरमा एक हजार आठ सय ५९ जनाले आँखा परिक्षण गराएका हुन ।
जिल्ला सामुदायिक आँखा केन्द्र सोलुखुम्बु र तिलगंगा आँखा प्रतिष्ठान गौशाला काठमाडौँको आयोेजनामा आयोजित एक दिने आँखा शिविर अन्तर्गत ८२ जना मोतिबिन्दूका बिरामि छनौट गरीएको छ ।
जिल्ला सामुदायिक आँखा केन्द्र सोलुखुम्बुका अनुसार लोखिम स्वास्थ्य चौकीमा दुई सय ४० जनाले आँखा परिक्षण गराएकोमा १२ जना मोतिबिन्दुका बिरामी छनौट गरिएको छ । तिङ्ला स्वास्थ्य चौकीमा एक सय ८९ जनाले आँखा परिक्षण गराएकोमा आठ जना मोतिबिन्दुका बिरामि रहेका छन ।
यस्तै नेचा बेतघारी स्वास्थ्य चौकीमा दुई सय ९१ जनाको आँखा परिक्षण गर्दा सात जना मोतिबिन्दुका बिरामी छनौट गरिएको छ । बुङ प्राथमिक अस्पतालमा एक सय ५९ जनाको आँखाको परिक्षण गरिएको थियो जसमा आठ जना मोतिबिन्दुका बिरामी पाईएको छ ।
सोताङ प्राथमिक अस्पतालमा दुई सय ३० जनाले सेवा लिएकामा ६ जना मोतिबिन्दुका लागि छनौट गरिएको जिल्ला सामुदायिक आँखा केन्द्र सोलुखुम्बुको तथ्यांकमा उल्लेख छ ।
यसैगरि काँगेल स्वास्थ चौकीमा एक सय ९३ जनाको आँखा परिक्षण गरिएकोमा ११ जना मोतिन्दिुको बिरामी छनौट गरिएको छ । वाकु स्वास्थ्य चौकीमा दुई सय २३ जनाको परिक्षण गर्दा ११ जना मोतिबिन्दुका बिरामी पाईएको छ ।
यस्तै ज्ुभिङ स्वास्थ्य चौकीमा एक सय ९० जनाको आँखा परिक्षण गर्दा १२ जना मोतिबिन्दुका बिरामी पाइएको छ र काँकु स्वास्थ्य चौकीमा एक सय ४४ जनाको आँखा परिक्षण गर्दा ७ जना मोतिबिन्दुका बिरामी छनौट गरिएको जिल्ला सामुदायिक आँखा केन्द्र सोलुखुम्बुले जनाएको छ ।
नौ वटा केन्द्रमा सम्पन्न आँखा शिविर अन्तर्गत लोखिम स्वास्थ्य चौकीमा सबैभन्दा बढि दुई सय ४० जना र सबैभन्दा कम काँकु स्वास्थ्य चौकीमा एक सय ४४ जनाले आँखा परिक्षण गराएको जिल्ला सामुदायिक आँखा केन्द्र सोलुखुम्बुको तथ्यांकमा उल्लेख छ ।
भोलि टाप्टिङमा शिविरको सञ्चालन हुने जिल्ला सामुदायिक आँखा केन्द्र सोलुखुम्बुका आँखा स्वास्थ्य कार्यकर्ता दिनेश राईले जानकारी दिनुभयो । १० वटा स्वास्थ्य चौकीमा सम्पन्न शिविरबाट छनौट भएका ८२ जना मोतिबिन्दुका बिरामीहरुको अशोज २४ र २५ गते जिल्ला सामुदायिक आँखा केन्द्र फाप्लु सोलुखुम्बुृमा निशूल्क मोतिबिन्दु सल्यक्रिया गरिने छ ।
जिल्ला सामुदायिक आँखा केन्द्र सोलुखुम्बु र तिलगंगा आँखा प्रतिष्ठान गौशाला काठमाडौँको आयोेजना साथै स्थानिय तहहरुको समन्वयमा मोतिबिन्दु छनौट शिविर सञ्चालन गरिएको हो ।
